Catholic Nisim Lai Siangtho (Dec 5, 2021 Sun )

1. Caesar Tiberius in a maan zawh kum sawm le ngana, Judea gamah Pontius Pilate in gam ukpi semin, Galilee gamah Herod, Iturea gam le Traconitis gamah Herod’ nau Philip, Abilene gamah Lysanias-te in gam uk a sep hun,

2. Annas le Caiaphas in siampilian a sep laitakun, sehnel gamlak a om Zechariah’ tapa John tungah Pasian’ thu hong tung hi.

3. John in mawhna pan mawhmaisakna ngahna dingin kisikkikna tawh kisai tuisawpna thu Jordan gun kimkot tengah a tangko hi.

4. Ama tangko thu in, kamsangpa Isaiah’ gensa Lai Siangtho sungah a kigelh mah bangin: “Gamlaka a kikopa’ aw in, ‘Topa paina ding lampi na sialkhol un. Ama lampi na tangsak un.

5. Mualkuam khempeuh kivuk dim dinga, mual lian le mual neu khempeuh kito niam ding hi. Lam kawi khempeuh kitangsak dinga, lam ham khempeuh kinelsak ding hi.

6. Mi khempeuh in Pasian’ hotkhiatna thu a mu ding uh hi,” a ci hi.