Bishop Felix tungpan kha-an vakna. Sunday ( July 19,2020)

Hun Nautaang Nipi (16) Na, Bishop Felix tungpan kha-an vakna. Sunday, July 19, 2020. Lungdamna Lai Siangtho: (Matthew 13: 24-43 ). 24. Jesu in thugentehna dang khat gen a, “Vantung gam pen ama lo sunga khaici hoih a vawhpa tawh kibang hi. 25. Ahi zongin mite a ihmut kalin a galpa va pai-in mangbuh kivawhna lakah tahum a vawh khit ciangin a paikhia hi. 26. Tua ahih manin a kungte hong khanga, mangbuh a vuih ciangin, tahum zong hong kilang hi. 27. Lo neipa’ kiangah nasemte hong pai-in, ‘Sia aw, na lo sungah khaici hoih vawh hilo na hi hiam? Tua hi napi-in hih tahumte koi pan a hong pai ahi hiam?’ a ci uh hi. 28. Lo neipa in, ‘Galpa’ vawh ahi hi,’ ci-in a dawng hi. Nasemte in ama kiangah, ‘Kote va kuanin ka bawhkhiat ding uh na phal hiam?’ ci-in a dong uh hi. 29. Ahi zongin lo neipa in, ‘Va bot nai kei un. Tahumte bot le-uh cin mangbuh tawh na bot khawm kha ding uh hi. 30. Anlak hun matengin a nam nihin po khawm phot tadih hen. Anlak hun ciangin anlate’ kiangah, Tahumte bot masa unla, meikhuk ah khultum dingin lom hen un; tua khit ciangin mangbuhte la unla, ka ansal sungah na koih un,’ a ci ding hi,” a ci hi. 31. Jesu in thugentehna khat gen leuleu a, “Vantung gam i cih pen mi khat in a lo sunga a cin’ ankam tang tawh kibang hi. 32. Tua ankam tang pen khaici khempeuh lakah a neu pen ahih hangin a khan’ khit ciangin, ankung neute’ lakah a gol pen suak ahih manin van-a vasate in bawkin a hiangte’ tung ah a tuan theihna ding zahin ankung khat hong suak hi,” a ci hi. 33. Jesu in thugentehna dang mah gen a, “Vantung gam in numei khat in annel seu thum dim la-in mekman a, a pawmsakna dingin a sawh silngo tawh kibang hi,” a ci hi. 34. Jesu in hih thute khempeuh thugentehna vive zangin mihonpite thu hilh a, thugentehna zang loin thu khat beek gen lo hi. 35. Hih bangin a genna thu in: “Ka kam ka-in thugentehna tawh thu ka gen dinga, leitung piancil a kipan a ki-imcip thute ka tangko ding hi,” ci-a kamsangpa’tungtawna a kigen thute a tangtunna ahi hi. 36. Tua khit ciangin mihonpite’ lak panin amah paikhia a, inn sungah a lut hi. Nungzuite ama kiangah hong pai uh a, “Lo sunga tahumte tawh thugentehna thute kote hong hilhcian in,” a ci uh hi. 37. Amah in, “Khaici hoih a vawhpa pen Mihing’ Tapa ahi hi. 38. Lo sung pen leitung hi a, khaici hoih pen vantung gam’ tate ahi uh hi. Tahumte pen dawi gilopa’ tate ahi uh hi. 39. Tahum tang a vawh galpa pen dawimangpa ahi hi; buh at hun in leitung beina ding hun ahi hi; buh atte in vantung mite ahi uh hi. 40. Tahumte kaikhawmin mei-ah a kikhul tum mah bangin leitung a bei ciangin zong tua mah bangin kihih ding hi. 41. Mihing’ Tapa in ama vantung mite hong sawl dinga, amaute in mawhna a piangsak thei na khempeuh le siatna a bawlte khempeuh ama gam sung panin lakhia-in, 42. meiphualpi’ sungah khul ding uh a, tua lai-ah kahna le hagawina a om ding hi. 43. Tua hun ciangin midikte in amaute’ Pa uh gamah ni bangin a taang ding uh hi. Zakna ding bil a nei peuhmah in za ta hen!

Hih in Topa' Lungdamna Lai Siangtho ahi hi.