Bishop Felix tungpan kha-an vakna

Tuni Adventu Hun Nipi (2) Na, Dec 6, 2020 (SUN) Kha-an vakna Lungdamna Lai Siangtho: Mark 1: 1-8 1. Pasian’ Tapa, Jesu Christuo lung- damna thu a kipatna in hih bang ahi hi. 2. Kamsangpa Isaiah’ lai siangtho sungah, “En in, na lampi a sialkhol dingin, ka kamtaipa na mai-ah ka sawl ding hi. 3. Gamlak ah a kikopa’ aw in, ‘Topa’ paina ding lampi na sial un, ama lampi na tangsak un,” ci-in kigelh hi. 4. Tuisawppa John in sehnel gamlak ah hong kilangkhia-in mawhmaisakna ngahna dinga kisikkikna tawh tuisawpna thu a tangko hi. 5. Jerusalem khua mite a kipan Judea gam sung tenga om mi khempeuh in ama kiangah va pai uh a, a mawhnate uh suutin Jordan gun ah ama khut tungpanin tuisawpna a sang uh hi. 6. John in kalaoh mul kigan puan silh a, savun kawnggak a gak hi. Kauphe le gamlak khuaizu an-in a nei hi. 7. Ama tangkona in, “Kei sangin a vanglianzaw khat ka nungah hong pai ding hi. Kun-in ama khedap khaute a suutsak ding nangawnin ka kilawm kei hi. 8. Keimah in note tui tawh kong tuisawp hi. Ahi zongin amah in note Kha Siangtho tawh hong tuisawp ding hi,” ci-in a tangko hi.

Hih in Topa' Lungdamna Lai Siangtho ahi hi.