Banghang hiam cih leh Topa Jesu in thuman thutak ahi hi.

Daily Homily by Rev. Fr. Raphael Khup Pi (May 29, 2021)

Tuni Lungdamna thu in eite bang hong gen nuam ahi hiam? Siampi lian te leh laithei ten Topa Jesu mawh mat nuam hi. Mawh sak nuam in amawhna ding zong den uh hi. A hih hangin cikmah hunin zong zolo, mu zolo uh hi. Bang hang hiam cih leh Topa Jesu in thuman thutak ahi hi. Thuman thutak ahih nak aa leh kua mah in tua thuman thutak man cip zolo, len cip zolo hi. Tua ahih manin thuman thutak Topa Jesu pen laisiam te leh siampi ten amat nop uh hangin man zolo uh hi.

Topa Jesu kammal in bang hiam? John 8: 31-32 na sungah thuman thutak na thei ding uh aa, tua thuman thutak in note hong suakta sak ding hi. Thuman thutak thei aa tua thuman thutak pomin tua tawh ih nuntak aa leh tua thuman thutak in eite hong suakta sak ding hi. Bangmah lo nading omlo hi. Tua ahih manin tuni Topa Jesu in pilvang takin hih dotna te adong theih mah bangin amah in thuman thutak ahih na hong lak hi. Eite zong anung azui thuman thutak lampi ah atawi eiten zong tua thuman thutak tawh nungta in ei hong bawlsia thei hong bawlsia nuam ahi mawhna hong zong mite tungah eiten tua thuman thutak tawh azo mite ii hih theih nading, tua thuman thutak hangin eiten lungsim kha pumpi suaktakna anei te ih hih thei nading in tha la ciat ni.