Ani sangin tua nite anei Topa thupi sak zawni.

Ih nuntakna sungah a ni sangin tua nite aneipa Pasian ih thupitsak zawk ding kisam hi. Pawlkhatte in a ni thupi sakin ni a nei pa, a ni siapa, a ni Topa mangngilh kha thei hi hang. Tua ahih manin ni a nei Pasian, ni a nei Topa, vantung leitung abawl pa tuni in ih thupi sak ding kisam hi. Ni leh kha te thupi sak lo ding cihna hi lo-in a thupi zaw Topa hi cih ih phawk ding kisam hi. Sabbath ni ii Topa hing ci-in Topa in a gen mah bangin ama min suangin, ama min lo-in na khat peuhpeuh ih sep ih bawl leh tua in thupi hi. Tua hi a, Sabbath ni ah ih om dan, ih khawl dan dingte, Ni pi nite ah ih om dan ih khawl dan dingte  thei a, Topa deihna bangin ih gamtat zawh na dingin ih hanciam tawntung ding kisam hi. Tua ahih manin tawlngak ding nit e ah hoih takin tawlngak siamin, ih hunte a zat siamte, Topa deihna bang, Topa ngimna bangin tawlngakni a zangsiam zo te ih hih na dingin ih lungsimte ki phuahpha in Topa tungah nungta ni.