"Amaute’ uplahna hangin tua lai-ah na lamdang tampi bawl lo hi"

Catholic Nisim lai Siangtho, Hun Nautaang Nipi Kaal (17) Na, July 31, 2020

Lungdamna Lai Siangtho (Matthew 13: 54-58)

54. Jesu in a khanna khua a tun ciangin kikhopna inn sungah mipite thu hilh ahih manin amaute in lamdangsa uh a, “Hihpa in hih bang pilna le hih a lamdang vangliatnate koi panin ngah ahi hiam? 55. Amah in khut siampa’ tapa hilo ahi hiam? A nu Maria a kici-nu hilo ahi hiam? James, Joseph, Simon le Judas-te ama sanggamte(b) hilo ahi uh hiam? 56. A sanggam numeite zong eite tawh omkhawm hilo ahi uh hiam? Tua ahih leh, amah in hih thute khempeuh koi pan ngah ahi hiam?” a ci uh hi.57. Tua hi a, amaute in amah a thusim kei uh hi. Ahi zongin Jesu in amaute’ kiangah, “Kamsangte in amau khua le amau inn simloh mundang teng ah zahtakna a ngah uh hi,” a ci hi. 58. Amaute’ uplahna hangin tua lai-ah na lamdang tampi bawl lo hi.

Hih in Topa' lungdamna Lai Siangtho ahi hi.