Adventu Nipi Kaal (3) Na. Lungdamna Laisiangtho (15. 12. 2021.)

Lk 7:18-23
18. John’ nungzuite in hih thupiang khempeuh ama kiangah a gen uh hi.

19. Tua ahih manin John in a nungzuite nih sam a, Topa kiangah sawlin, “Nangmah in hong pai ding pa mah na hi hiam? ahih kei leh, midang ngakin ka lamen lai ding uh hiam?” cih a dong dingin a sawl hi.

20. Tua mite Jesu kiang a tun’ uh ciangin, “Tuisawppa John in, ‘Nangmah in hong pai dingpa mah na hi hiam? Midang khatpeuh ngakin ka lamen lai ding uh hiam?’ cih a dong dingin na kiangah kote hong sawl hi,” a ci uh hi.

21. Tua hun laitakin Jesu in natna satna le dawi gilo a vei mi tampite damsakin, mittaw tampi khua a musak hi.

22. Tua ciangin Jesu in, “Note pai unla, na zaksa na muhsa uh thu teng John kiangah va gen un: Mittawte in khua mu uh a, khebaite lam pai thei uh hi; miphakte damsiang uh a, beengngongte in khua a za uh hi; misite kihingkiksak a, mizawngte’ kiangah lungdamna thu kipuak hi.

23. Keima hangin a lungkia lo mi peuhmah thupha a ngah ahi hi,” a ci hi.