“Tua na muh uh nate khempeuh ahih leh, suang khat tungah suang dang khat beek kiciang lo a, a vekpi-in a kicipmang hun hong tung ding hi,”

Catholic Nisim Lai Siangtho. Hun Nautaang Nipikaal (34) Na (TUE.) November 26.2019

Lungdamna Lai Siangtho. (Lk. 21: 5-11)

5. Mi pawlkhat in suang meel hoihte le mite’ piakkhiatna tawh biakinnpi hoihtaka a kizepna thu a gen laitakun,

6. Jesu in, “Tua na muh uh nate khempeuh ahih leh, suang khat tungah suang dang khat beek kiciang lo a, a vekpi-in a kicipmang hun hong tung ding hi,” a ci hi.

7. Amaute in Jesu’ kiangah, “Sia aw, hih thute cik cianga hong piang ding ahi hiam? Hih thute hong tun kuan ciangin bang limin hong kithei ding ahi hiam?” ci-in a dong uh hi.

8. Jesu in, “Note kuamah in hong khem zawh lohna dingin na kikem un; bang hang hiam cih leh keima minin mi tampi hong pai ding uh a, keimah in tua pa ka hi hi. A hun hong nai ta hi,’ hong ci ding uh hi. Tua mite’ nung na zui kei un.

9. Gal kidona thu le langpanna ding gamlumna thu na zak uh ciangin na liinglawng kei un; bang hang hiam cih leh tua thute in a piang masa ding mah hi a, ahi zongin, beina hong tung pah nai lo ding hi,” a ci hi.

10. Tua ciangin Jesu in amaute’ kiangah, “Minam khat le minam khat, gam khat le gam khat hong kido ding uh hi.

11. Mun tuamtuam ah zin nakpi-in liing dinga, kialpi le pul hong tung ding hi. Van panin a kihtak-huai nate le lim lianpite hong kilang ding hi.

Hih in Topa’ lungdamna Lai Siangtho ahi hi.