“Tua ahih leh note in kei kua hi nong ci uh hiam?”

Catholic Nisim Lai Siangtho, Hun Nautaang Nipi Kaal (25) Na, September 25, 2020

Lungdamna Lai Siangtho (Luke 9: 18-22)

18. Khatvei Jesu in thu a nget laitakin, amah tawh a nungzuipite bek om a, amah in amaute’ kiangah, “Mihonpite in kei kua hi, hong ci uh ahi hiam?” ci-in a dong hi. 19. Amaute in, “Mi pawlkhat in, ‘Tuisawppa John hi,’ hong ci uh hi. Kimkhatte in, ‘Elijah hi,’ hong ci uh hi. Midangte in, ‘Tanglai kamsangte khatpeuh hong hingkik hi,’ hong ci uh hi,” ci-in a dawng uh hi. 20. Jesu in, “Tua ahih leh note in kei kua hi nong ci uh hiam?” ci-in a dot ciangin Peter in, “Nangmah in Pasian’ Christu na hi hi,” a ci hi. 21. Jesu in hih thu kuama kiangah a gen lohna dingun a nungzuipite khauhtakin thu pia-in, 22. “Mihing’ Tapa in gimna lianpi thuak dinga, upate, siampi makaite le lai siangtho siamte in amah nialin, that ding uh a, a ni thum ni-in a thokik ding hi,” a ci hi.

Hih in Topa' Lungdamna Lai Siangtho ahi hi.