“Sabbath ni-in phatna bawl ding le siatna bawl ding, koi pen thukham tawh kituakzaw hiam?”

Catholic Nisim Lai Siangtho, Hun Nautaang Nipi Kaal (2) Na, Jan 20, 2021 (WED)

Lungdamna Lai Siangtho (Mark 3: 1-6)

1. Kikhopna inn sungah Jesu khatvei lut kik a, tua munah khut lang khat zaw mi khat a om hi. 2. Sabbath ni-in amah in natna a damsak kha ding hiam, ci-in amaute in Jesu a mawhmat nop manun a encik uh hi. 3. Jesu in a khut zawpa’ kiangah, “A mai-ah hong pai in,” a ci hi. 4. Tua ciangin Jesu in, “Sabbath ni-in phatna bawl ding le siatna bawl ding, nuntakna khatpeuh hot ding le thah ding, koi pen thukham tawh kituakzaw ahi hiam?” ci-in amaute’ kiangah a dot ciangin mihonpite pau loin a om uh hi. 5. Jesu in hehna tawh amaute a en kawikawi hi; amaute’ lungkhauhna hangin dah a, tua mipa’ kiangah, “Na khut zan in,” a ci hi. Amah in a khut zan a, a damkik hi. 6. Pharisee-te paikhia uh a, Jesu a thah theihna dingun Herod’ nungzuite tawh a vaihawm pah uh hi.

Hih in Topa’ Lungdamna Laisiangtho ahi hi.