“Sabbath ni-in nuntakna hotkhiatding le suksiatding koipen thukham tawh kituakzaw ahi hiam?”

Catholic Nisim Lai Siangtho, Hun Nautaang Nipi (23) Na, September 7, 2020

Lungdamna Lai Siangtho (Luke 6: 6-11)

6 Adang Sabbath ni khatin Jesu in kikhopna inn sungah lut a, thu ahilh hi. Tua lai-ah a khut taklam a zaw mi khat a om hi. 7 Pharisee-te le lai siangtho siamte in Jesu a mawhmat nop manun Sabbath ni-in cina a damsak kha hiam, ci-in a encik uh hi. 8 Jesu in amaute’ ngaihsutna thei ahih manin khut zawpa’ kiangah, “Hong pai inla, hih lai-ah ding in,” a ci hi. Amah tho-in tua lai-ah a ding hi. 9 Tua khit ciangin Jesu in amaute’ kiangah, “Sabbath ni-in a sia bawl ding le a pha bawl ding, nuntakna hotkhiat ding le nuntakna suksiat ding koi pen thukham tawh kituak zaw ahi hiam?” ci-in a dong hi. 10 Amah in amaute khempeuh en kawikawi a, tua pa’ kiangah, “Na khut zan in,” ci-in a sawl hi. Amah in a khut a zan leh, a dam hi. 11 Ahi zongin amaute heh mahmah uh a, Jesu bangci hih ding cih thu, khat le khat a kikum uh hi.

Hih in Topa' Lungdamna Lai Siangtho ahi hi.