“Pasian’ Gam hong tung dek ta hi. Kisikkik unla, lungdamna thu um un"

Catholic Nisim Lai Siangtho, Hun Nautaang Nipi (3) Na, Jan 24, 2021 (SUN)

Lungdamna Lai Siangtho (Mark 1: 14-20)

14. John a kimat khit ciangin Jesu Galilee gamah hong pai a, Pasian’ lungdamna thu tangko-in a hilhin ah, 15. “A hun hong tung ta hi. Pasian’ Gam hong tung dek ta hi. Kisikkik unla, lungdamna thu um un,” a ci hi. 16. Galilee tuipi dungah Jesu a pai laitakin, ngabeng mi ahi Simon le a sanggampa Andrew-te in tui sungah ngeen a khuh laitak uh a mu hi. 17. Jesu in amaute’ kiangah, “Ka nung hong zui un. Keimah in note mi a mante kong suaksak ding hi,” a ci hi. 18. Amaute in zong thakhatin a ngeen uh nusia-in Jesu’ nung a zui pah uh hi. 19. Tua panin tawmkha a pai khit ciangin, Zebedee’ tapa James le a sanggampa John zong gunkuang sungah ngeen khui-a om a mu hi. 20. Amah in amaute sam pah a, amaute in a pa uh Zebedee le a thacialte gunkuang sungah nusia-in ama nung a zui uh hi.

Hih in Topa’ Lungdamna Laisiangtho ahi hi.