“Numei aw, nang na zawngkhalna pan hong kikhah ta hi”

Catholic Nisim Lai Siangtho, Hun Nautaang Nipi Kaal (30) Na, October 26, 2020 (MON)

Lungdamna Lai Siangtho (Luke 13: 10-17)

10. Tu-in Sabbath ni khatin Jesu in kikhopna inn sungah thu a hilh hi. 11. Tua lai-ah kum sawm le kum giat a zawngkhal numei khat a om hi. Tua nu a nungkul gawpin a pum neu kha beek a kizan thei kei hi. 12. Jesu in amah a muh ciangin sam a, “Numei aw, nang na zawngkhalna pan hong kikhah ta hi,” a ci hi. 13. Jesu in ama tungah a khut a ngak leh thakhatthu-in tua nu dingtang thei-a Pasian’ min a phat hi. 14. Ahi zongin Jesu in Sabbath ni-in cina a damsak manin kikhopna inn ukpa lungkim lo a, mihonpite’ kiangah, “Nasep hun ding ni guk a om hi. Tua ahih manin a kidamsak dingin tua nitein hong pai unla, Sabbath ni-in hong pai kei un,” a ci hi. Ahi zongin Topa in tua pa’ kiangah, 15. “No mi hoih a kineih khemte aw, Sabbath ni-in na bawngte na late uh a buk sungpan khahkhia-in tui ne dingin na vekpi-un paipih hilo na hi uh hiam? 16. Kum sawm le kum giat sung Satan in a hencip hih Abraham’ tanu a kihencipna pan Sabbath ni-in khahkhiat huaizaw hilo ahi hiam?” ci-in a dawng hi. m17. Hih bangin amah in thu a gen ciangin, amah a langpangte khempeuh a maizum uh hi. Mihonpite khempeuh ahih leh ama bawl na lamdangte’ hangin a lungdam uh hi.

Hih in Topa' Lungdamna Lai Siangtho ahi hi.