Catholic Nisim Lai Siangtho, Hun Nautaang NipiKaal (15) Na, July 12, 2021 (MON)

Lungdamna lai Siangtho (Matthew 10: 34 - 11: 1)

34. “Leitung ah kilemna puak dinga hong pai hi,’ ci-in hong ngaihsun kei un. Kilemna puak dingin hong pai hi loin, namsau khah dingin hong pai ka hizaw hi.35. Bang hang hiam cih leh tapa le a pa, tanu le a nu, teeknu le monu, khat le khat kigal neihsak dingin hong pai ka hi hi.36. Mi khat’ galte pen ama innkuanpihte mah ahi ding hi.37. “Kei’ sangin a pa ahih kei leh a nu a itzaw mi peuhmah, kei tawh kilawm kituak lo hi; kei’ sangin a tapa ahih kei leh a tanu a itzaw mi peuhmah kei tawh kilawm kituak lo hi;38. a singlamteh pua a, ka nung hong zui lote in kei tawh kilawm kituak lo hi.39. Amah le amah a nuntakna a kihu nuam mi peuhmah in a nuntakna mansuah dinga, keima hangin a nuntakna a mansuah mi peuhmah in nuntakna a mu ding hi.40. “No hong sangte in kei hong sang hi-in, kei hong sangte in kei hong sawlpa a sang ahi hi.41. Mi khatpeuh in kamsang khat pen kamsang’ min tawh a san leh, kamsang’ phattuamna ngah ding hi; mi khatpeuh in midik khat pen midik’min tawh a san leh midik’ phattuamna a ngah ding hi.42. A mantakpi kong genin ah, hih mite’ lakah a neu pen khat peuhpeuh keima nungzui ahih manin tuivot hai khat a suah peuhmah in phattuamna ngah loin om lo ding hi.,” a ci hi.1. Tu-in Jesu in a nungzui sawm le nihte thu a hilh khit ciangin, amaute’ khuapite ah thuhilh ding le thu tangko dingin tua mun panin a paikhia hi.

Hih in Topa' Lungdamna Lai Siangtho ahi hi.