“Kisikkik un, bang hang hiam cih leh vantung gam hong nai ta hi,”

Catholic Nisim Lai Siangtho Lungdamna Lai Siangtho (Matthew 4: 12-17, 23-25)

(January 6, 2020)

12. Tu-in Jesu in John’ a kimatna thu a zak ciangin, Galilee gamah a kilehkik hi.

13. Amah in Nazareth(b) nusia-in Zebulun le Naphtali’ gamgi, tuipi gei-a om Capernaum khua ah a teeng hi.

14. Tua bangin a teenna pen kamsangpa Isaiah in:

15. “Zebulun’ leitang! Naphtali’ leitang! Jordan gun galah tuipi lian zuatna lam Gentile mite’omna Galilee gamah,

16. Khuamial sunga teeng mite in khuavak lianpi mu khin uh hi; sihna liim khuamial sunga a teeng mite’ tungah khuavak hong tang khin zo hi,” ci-a a genkholhna a tangtunna ding ahi hi.

17. Tua hun a kipan Jesu in, “Kisikkik un, bang hang hiam cih leh vantung gam hong nai ta hi,”(c) ci-in thutangko a kipan hi.

23. Galilee gam khempeuh ah Jesu pai kawikawi a, amaute’ kikhopna innte sungah thuhilhin, vantung gam lungdamna thu tangko a, mite’ laka natna khempeuh le cina khempeuh a damsak hi.

24. Tua ahih manin Syria gam sung tengah ama minthanna kizel a, dawi veite, sibup natna a veite, pumzawte a kipan, adang natna a veite khempeuh ama kiangah hong paipih uh a, amah in tuate khempeuh a damsak hi.

25. Galilee gam a kipan Decapolis gam, Jerusalem khuapi, Judea gam le Jordan gungal gam panin mihonpite hong pai uh a, ama nung a zui uh hi.

Hih in Topa lungdamna lai Siangtho ahi hi.