“Ken zong hihte bang thuneihna tawh ka hih cih kong gen kei ding hi,”

Catholic Nisim Lai Siangtho. Adventu Nipi Kaal (3) Na (MON) December 16.2019

Lungdamna Lai Siangtho. (Matthew 21: 23-27)

23. Biakinnpi sungah Jesu a lut ciangin, thu a hilh laitakin siampi makaite le mipite’ upate a kiangah hong pai uh a, “Hihte bang thuneihna tawh bawl na ahi hiam?” ci-in a dong uh hi.

24. Jesu in amaute’ kiangah, “Kei zong thu khat kong dong ding hi. Kong thudotna nong dawn uh leh kei zong bang thuneihna tawh hihte hih ka hi hiam, cih kong gen ding hi.

25. John’ tuisawpna in Vantung pan ahi hiam? Mihingte’ tung pan ahi hiam?” a ci hi. Amaute khat le khat kisel uh a, “Vantung pan hi, ci lehang, ‘Tua ahih leh bang hangin amah um lo na hi uh hiam?’ hong ci ding hi.

26. ‘Mihingte’ tung pan hi,’ ci lehang mi khempeuh in John pen kamsang khatin sang uh ahih manin mipite i kihta zel hi,” a kici uh hi.

27. Tua ahih manin amaute in, “Ka thei kei uh hi,” ci-in a dawng uh hi. Tua ciangin Jesu in amaute’ kiangah, “Ken zong hihte bang thuneihna tawh ka hih cih kong gen kei ding hi,” a ci hi.

Hih in Topa’ lungdamna Lai Siangtho ahi hi.