“Ka nung hong zui un; mi a mante kong suaksak ding hi”

Catholic Nisim Lai Siangtho, Adventu Hun NipiKaal (1) Na, Nov 30, 2020 (MON)

Lungdamna Lai Siangtho (Matthew 4: 18-22)

18. Galilee tuipi gei-ah Jesu a pai laitakin amah in Peter kici Simon le a sanggampa Andrew, unau nihte tuipi sungah ngeen a khuh a mu hi, bang hang hiam cih leh amaute in ngabengte ahi uh hi.  19. Tua ciangin Jesu in amaute’ kiangah, “Ka nung hong zui un; mi a mante kong suaksak ding hi,” a ci hi. 20. Amaute in thakhatin a ngeente uh nusia-in ama nung a zui pah uh hi. 21. Tua panin Jesu a paikhiat laitakin unau dang nih, Zebedee’ tapa, James le a sanggampa John-te in a pa uh Zebedee tawh gunkuang sungah a ngeen uh puaha om a muh ciangin, amah in amaute a sam hi. 22. Amaute in thakhatin a pa uh le a gunkuang uh nusia-in Jesu’ nung a zui uh hi.

Hih in Topa' Lungdamna Lai Siangtho ahi hi.