“En un, hih mite in ka nu le ka sanggamte ahi uh hi!

Catholic Nisim Lai Siangtho Hun Nautaang Nipi Kaal (3) Na, (TUE). January 28, 2020,  Lungdamna Lai Siangtho Mark 3: 31-35

31. Tua khit ciangin a nu le a sanggamte hong pai uh a, a pualam ah dingin, amah a samsak uh hi.

32. Ama kimkot ah mihonpi tu uh a, amaute in ama kiangah, “Na nu le na sanggamte a pualam ah omin, nang hong samsak uh hi,” a ci uh hi.

33. Tua ciangin amah in, “Ka nu le ka sanggamte kua ahi hiam?” a ci hi.

34. Tua ciangin amah in ama kimkota tute en a, “En un, hih mite in ka nu le ka sanggamte ahi uh hi!

35. Pasian’ deihna banga a gamtate in ka sanggampa, ka sanggamnu le ka nu ahi uh hi,” a ci hi.

Hih in Topa' lungdamna Lai Siangtho ahi hi.