‘Nang le nang na ki-it bangin na vengte zong na it ding hi’

Catholic Nisim Lai Siangtho, Hun Nautaang Nipi (30) Na, October 25, 2020 (SUN)

Lungdamna Lai Siangtho (Matthew 22: 34-40)

34. Jesu in Sadducee-te’ kam a dong khak lam, Pharisee-te in a theih uh ciangin a kikaikhawm uh hi. 35. Amaute’ lakah thukham siam khat in a ze-etna dingin, 36. “Sia aw, thukham sung pan bang thupiak lianpen ahi hiam?” ci-in a dong hi. 37. Jesu in ama kiangah, “ ‘Topa na Pasian na lungsim khempeuh, na kha khempeuh, na ngaihsutna khempeuh tawh na it ding hi.’ 38. Hih in a lian pen le a masa pen thupiak ahi hi. 39. A nihna in tua mah tawh kibang hi: ‘Nang le nang na ki-it bangin na vengte zong na it ding hi.’ 40. Thukham khempeuh le kamsangte’ thu khempeuh, hih thupiak nihte’ tung pan a mengkhia ahi hi,” ci-in a dawng hi.

Hih in Topa' Lungdamna Lai Siangtho ahi hi.