Pasian piak leitung gamh (Vol-2)

A lau huai gal ki do nate hangin leitung nate khempeuh in suksiatna thuak hi. Leitung ah khantohna hong tam mah bangin thauvui thautang tampi hong piang aa, tua te in ih diik huihte nin sak hi. Natna satna tuamtuam hong ki zel hi. Tui zong siangtho nawnlo-in gu tawh ki dim ahih manin dawn nop bangin ki dawn ngam nawn lo hi. Namgim tui tampi a buakna hangin gun tui te siangtho nawnlo in ngasate, vasa te pen sim zawhloh zah dongin si hi. Gal ki do na hangin leitung, kiim leh paam kisia hi.

Khapi tung a kah to, Mipil, mi hangsan Sigmard Gahn in “Khapi tung pan leitung ka et kik ciangin leitung ii hoihna leh a kisia thei a hihna ka mu hi. Tua ahih manin ka tel khak thu in mihingte in a manlang in a sep ding vaipuak in hong piang lai ding khang sawn te aa dingin leitung ih kep cing ding ki sam hi” na ci hi.

Tua bangin leitung ih kep ih dal zawh na dingin eite in ih hanciam kul hi. Huih leh tui a nin sak thei te pelhna, gam tat lu hek siangtho lohna leh ngaihsut siatna te ih pelh ding ki sam hi. Pelh zawh mahmah lo ahih leh zong a tawm thei pen dingin i han ciam ding ahi hi.

Tua bangin I hih zawh na dingin-

Mitam om na ah za tep lo ding, cil mawk siat lo ding, kiim leh paam siangtho sak ding, a kisam lo pi in gam lum henhan lo ding, namgim tui te ciil zat ding, nin mawk paih lo ding hi hang. Tua banah a ki sam lo pi-in singkung phuk lo ding, Khuaphelep mei tawh a kizom kizapna leh meivak te a ki samlo pi-in hong lo ding, mehteh mehgah leh singkung lopa, paak namcinte suan ding, lui, hawkguam, tuikhukte siang tho sak ding, namgim tui te a buak khak loh nangin zat siam ding ki sam hi.

Aw-ging liatna (Speaker) te zat ciangin veng leh paam a nawngkai sak lo dingin zang siam in. Leitung, kiim leh paam thu tampi kanin kem cing inla na innkuanpih te, na lawmte leh na vengte zong hilh in. Mihing khempeuh tawh a kisai ahi hih leitung nate a ki siatnang, a mangthang nangin sep theihna thu na neih loh lam na.phawk den ding kisam hi.

“Ei khang in a ki cing nate ih nei kei zongin khang sawn tuailaite in nuntakna a nuam a ngah nading uh leh pilna ih zonsak zawh na bek hi lo-in huih siangtho, tui siangtho leh mehteh, mehgah tawh a ki dim leitang gamh ih pia nuam hi.” Tua hi leh ih om na leitung in hoihna phatna tawh a kidim anuam mihing khempeuhte nuntakna ih luah leitang hi thei ding hi. (Thomas Berry)

Add new comment

13 + 5 =