Mihing leh Khuahun

Khuahun in mite phat tuamna hong piak lam ih theih khit sa ahih mah bangin mi khempeuh tawh kisai hi. Pasian in mi khempeuh aa dingin hong bawl sak amanpha mahmah ahihi. Khuahun pen mi khempeuh aa ding in a kisam mahmah khat ahihi.
Khuahun tawh kisai mipil te in kumkhat khit kumkhat khuahun te lum tektek hi ci-in gen uh hi. Abeisa kum sawm hun lai kipan in leitung khuahun lum semsem a, tuipi te khang, huihpi te nungin guahpi te hong zuu cih bangin khuahun hong kikhel to hi.
Mihing te hangin hong piang khuahun satna te ih daal ding kisam ahih manin ih om zia, ih tat zia leh ih leitung vanzat ih zat dan te ih khel ding hong kisam hi.
Khuahun lumna tawh kisai in ei mihing ten ih kham theih loh, ih daal theih loh thu om mah ding hi. Gentehna in meimual puak khampna, leitungin ni akiimvelna lampi te amaan loh ciangin zong tua ten khuahun khuahun kikhel sak hi.
Ahi zongin khuahun tawh kisai mipil te in agenna ah mihing te nasepna aa vanzat te aki bawlna pan hong paikhia ahoih lo huih Carbondioxide, Mitein, Nitrogendioxide leh adang dathuu tuamtuam te hangin khuahun lumluatna hong piang hi ci uh hi.
Hih dathuu te pen huih lakah kikholin leitang tung akaap nitaangin tua te beisak zolo hi. Hih leitung khuahun asia sak nadang khat leuleu pen leitung bup in Energy in ih zat Fuel ih cih meihol, gas, sing, daatsi leh adang tuamtuam te ahihi. Tua te bek tham loh in lo sing phukna, gamhalna cih te hang zong ahihi.
Hguahun Satna hangin apiang thu te
Khuahun lumna in Carbon dat thahat sak ahih manin tua in khuahun te sia sak semsem hi. Mihing te nuntakna bulpi khat ahi tuikangna, mehteh mehgah pianglohna leh energy te kiamna cih bang haksatna tampi puang sak hi. Bek tham loh in leitung aa om nuntakna nei pawlkhat zong hong cibei mang hun hong tung sak kha ding hi.
Kiim le Pam a Siangtho lohna leh khuahun kikhelna
Mihing te' ih nisim nuntakna sungah kiim leh paam ih siangtho sak loh nate a tuamtuam in ih mu thei hi. Kiim leh paam huih siangtho om loh hangin mihing te' cidamna tawh kisai tampi hong nawngkai sak aa, mi tampi in zong sih hun loh pi-in hong sih san lam ih muthei hi. Gentehna in cileng an huan na pan ahi zong inn sungah alum na, a vot nang ih hon setvan pan leh ih zat sathau te pan apiang meikhu te ih diik khakna panin mihing te cidam zia hong nawng kai sak hi.