Tuiphumpa John Suah Pawi ni June-24

Tonu Maria bangin St. John the Baptist zong vantung gam nopsakna angah ban ah leitung ah asuah ni pawi bawl dingin alamdang in thupha angah khat ahi hi. A nulepa te in Pasian mai ah thuman citak ahih na tawh ki zui-in, Pasian maipha ngah in, anu Elizabeth in (acing) ta nei thei lo leh teek ta hi mah ta leh Pasian in thuppha pia hi. Khat vei a Pa Zechariah in Biak inn ah Pasian na asep lai tak, vantung mi Gabriel hong ki lang a, “Zechariah aw lau kei in, lungkham kei in, na thungetna Pasian in hong dawng hi. Na zi Elizabeth in ta pa khat anei ding hi, a cih leh Zechariah in amau teek lua ta ahih manin um zo lo in nui hi. Tua ciangin vantung mi-in kong gen thu um lo na hih manin ka thu gen a kicing dong in na pau thei kei ding hi ci hi. Elizabeth asuah khit ni 8 a cin ni-in naumin phuak a, aveng te leh a tanau te in amin ding in Zecharih mah hi ding hi acih uh leh Elizabeth in hi lo hi, amah John ci-in min phuak ding acih ciang, a lawm ten lamdang sa mahmah uh hi. A pa adot uh leh a pa in zong John hi ding ci-in lai gilh in gen hi. Tua lai tak in a kam hong ki hong a, Israel te Pasian tungah thupha om tawntung ta hen ci-in Pasian min phat hi.

Naupang no in khangto in khasiangtho tawh ki dim a, Israel mi nam te lah ah a ki lakkhiat mateng sehnel gam ah om hi.

#Johnthebaptist, #John, #RVATedimChinService,