St.Augustine tangthu pawlkhat

Happy Feastday to all who bear the name of St.Augustine!

Augustine min a nei mimal kim tungah lungdam pawi ni (Happy Feastday) ci-in kong muak masa hi. Tuni pen Misiangtho Augustine Pawini a hih na tawh kituakin amah tangthu tawmkhat kikum dih ni.

St.Augustine pen AD.354 kumin leilulam aom Africagam ah piang hi. Aman ata adingin thu angetsaksak hangin apa' thu upna tengmah tawh hongkhang khiahi.

Kum (20) aphakin Italy gamah pai in Milan siampilian St.Ambrose thuhilhna te thupi ngaihsut mahmah hi. Nikhatni in inn veng aa naupangno khat i lasakna aw za hi. Tua leh agei aom Laisiangthobu alem leh St. Paul gelh Laisiangtho laigual khat simkha hi. "Topa Jesu Christu silh unla, na pumpi huaiham nanguh note in nangaihsun kei un". Rom 13:14 cih ahihi. Hih Laisiangtho mun kammal in "Jesu" kiangah puakin anuntakna kikheelsak hi. A kum 30 aphak Paska pansikzanin St.Ambrose tungpanin Baptaiz nangah hi. Tuahun akipanin anuntakna buppi Pasian kiangah piakkhiat ding khensat pah hi. Amagelh Confession akici laibu sungah, "Tangtawngbek thamloin tawntung vanglian Topa Pasian pen ahun aval khitciangin kangai pankha hi,"ci in na gelh hi.

AD.395 kumin Hippo khuapih ah siampilian sem a, ahoih pen tuucing in ahizong, laigelhsiam khat in ahi zong, teci pangin Pasian nasem hi. Amah'n siampite kipawlna pankhia/phuankhia in nungak siangthote adingin zong aminthang gamtat luhekzia zuihding thukhunte vaihawm in gelhkhiat sak hi. Amah'n mipite tungah, "Note adingin kei siampilian khat kahihi, "ahizong" Note lampan enleuleu leng, keipen thuzuimi khat ka hihi," na ci hi. Ni khatni-in Tothum Pasian khat thu a ngaih sutsut laitak tuipi sung a tuite, tuipigei a ,sehnel tung a, akibawl tuikhukneu sungah asungsung alamdang mahmah naupang khat tawh kimu kha hi. Amah'n naupangpa tungah nanaseppen piangthei sapeuhmah keng, acih laitakin naupangpan amakiangah, "Nang ngaihsutna ahi, Pasian' pianzia natel sawmsangin tuipisung a, tui khempeuh hih tuikhukneu sungah kadipzawh sawmpen baihzaw dinghi, ci-in dawngkik hi.

Rome Emperor pi a kisiat khitciangin "Pasian gam"cih laibu gelh khia hi. Tuasungah Rome Emperor pi akisiatna pen Christian te mawhna hang hilo in, nagamtatsiatna leh namawhnate hangin Pasian daan athuak nahihi," ci-in alaibu sungah gelhkhia hi. Hizahin apil siampilianpa pen AD.430 kumin a omna khuapi Bandel minamten umcihin asim hunsung in hongsi hi. St. Augustine pawi pen August 28 ni-in ei Catholic pawlpi in kum simsim in a bawl ih hi hi.

Tuni Misiangtho Augustine Pawi ih bawlna vangin Augustine min a neite leh ei mimal kim tungah ih Biak Pasian in thupha hong piak na dingin Misiangtho Monica bangin thugen ni cih a ki hanthawn phapha hi hang. Ka lungdam.

Record and Edit: Mr. Anthony Piang

#Saintoftheday, #Saints, #Augustine, #RVA, #TedimChinService, #KalayDiocese, #Catholic,

Like us on https://bit.ly/2G56oll
See us on https://bit.ly/2XGCVt6
and Follow us on https://bit.ly/2LMA9ek , https://bit.ly/2YqcFDv
Website: http://dtedim.rveritas-asia.org/