St. Simon leh St. Jude

Galilee gam Cana khua pan, nungzuipi St. Simon in Jew minam te’ thukhun tawh kisai vai te ah athalawp mahmah khat ahihna hangin amin Simon nungah Zealot cih min ki behlap hi. Zealot cih pen amau upna bek tawh akalsuan te hi-in Judia gam ah Roma minam te aom na thu, a do dingin aki phuan Pawlpi leh gam vai tawh kisai kipawlna khat hi.

Amau te in siah piak ding nial in Roma minam te sim ding lunggulh uh hi. Simon zong Topa Jesu in a sap ma in tua kipawlna ah a kihel khat ahi hi. Khasiangtho Pasian pawi mankhit ciangin Simon in Persia gam ah Pasian thu tangko in tua gam mah ah thatna thuak hi. Lametna bei na vai te ah ahuh ahi Misiangtho Jude in nungzuipi Jame (neu) tawh unau hi.

Jn 14: 22-23 sungah ih muh mah bangin amah in anunung nekkhawmna pan Topa Jesu kiangah “Topa aw, leitung mite’ tungah kipulaak lopi-in kote’ tungah nang le nang bang ci-in hong kipulaak ding na hi hiam?” ci-in adong pa hi. Jesu in “kei hong it te in ka thu hong mang ding hi. Ka Pa in zong tua mi a it ding hi. Ei te in zong ama kiangah pai-in omna mun ih bawl ding hi” ci-in ama kiangah gen hi.

St. Jude in, “James’ laikhak” pen leitung bup tawh kisai Pawlpi kiangah at hi. St. Jude (or) St. Judas Thaddaeus in Persia gam ah Pawlpi leh upna adingin that na thuak hi. Misiangtho Jude in lametna bei mi te ahuh misiangtho hi.

Misiangtho Simon leh Jude te aw....Ko te adingin thu hong ngetsak un.