St. Pius V, Pope (1504 – 1572)

Misiangtho Pius V pen January 17, 1504 kumin Italy gam ah suak hi. Amah pen a siangtho khi thungetna pawini a pankhia pa ahi hi. 1556 kum in Siadaw suak hi. January 7, 1566 kumin Pope  suak a, ama hanciamna tawh Pawlpi puahthak zo hi. Misiangtho Pius in Trent council pen thukim in Siadawte kiangah Parish tuamtuam aa om Siampi te in khangnote Pasian thu a sin sak na dingun hanthawn hi. 
Mawhna dan tawh kisai thukhunte khauh lua ahih manin Roma khuapi pen Zateih sangin laih hi ci-in Pius ki langpang hi. Misiangtho Pius in Diocese uk in a om hun sungin Siampite’ nisim anget uh thungetna bu, Missa biakpiakna hun sungin a ki zang thu ngetna bu leh Pasian thubu te bawl hi. 
Misiangtho Pius ii a lian pen gualzawhna in Lepanto galkido na ah 1571 kum, October 7 ni-in gal te ahawlkhiat zawh na hi. Tua gualzawhna in khi thungetna pan a kingah, Tonu Maria ii huhna hi ci-in ciamteh hi. Hih gualzawhna hangin Misiangtho Pius in October 7 ni pen khi thungetna kumpinu pawini leh Christiante ahuh kumpinu ci-in Tonu Litany sungah hel hi. Misiangtho Pius in May 1, 1572 kumin si in, Pope Clement XI in 1712 kumin Misiangtho suaksak hi. Ama pawini pen April 30 ni-in ki bawlsak hi.