St. Matthias pawi ni (May-14)

St. Matthias pawi ni (May-14), Ama sa pen in Misiangtho Matthias min nei thuzui te khempeuh, Happy Feastday ci-in kong notset hi.
Misiangtho Matthias pen AD 1st kum pawlin Bethlehem gam Juadah minam sungpan apiang ahi hi. Amah pen aneu akipan (Law of God) Pasian thu pilna asin toto mikhat ahi hi.
Misiangtho Matthias pen Jordan gunah tuisawpna angah khit ciang, Topa Jesu nung azui khat ahi hi. A mah pen nungzuipi 11 te in Topa Jesu vantungah akahtoh khit cianga Judas Iscariot mun ading in a teel uh ahi hi.
Misiangtho Matthias in Judea gam leh Ethiopia gam te ah Pasian thu tangkoin AD 80th pawlin, Jerusalem ah Pasian ading ngawngtanin thahna thuak hi.
Misiangtho Matthias pen puankhuite, let-tamate leh zudawn akikhelnuamte ahuh Misiangtho in ki ciamteh hi.
Misiangtho Matthias aw…..Ko te adingin thu hong ngetsak tan.