St. John Lateran Basilica Biakinnpi pawini

St. John Lateran Basilica Biakinnpi pawini
Tuni ih pawlpi in St. John Lateran Basilica Biakinnpi pawini hong bawlsak hi. Tua Biakinnpi pen huang lianpi anei Lateran innkuan te in a piak uh ahih manin St. John Lateran Basilica biakinnpi a ki ahi hi. Pope Sylvester I na in November ni 9, 324 kumin Rome ah Pope ahih phawkna leh ciaptehna zong ahi hi. Hih biakinn pi pen Rome leh leitung khempeuhte lak pan a om masa pen biakinn pi ahi hi.
Thungetna biakinn pi cih pen nam tampi takin ki khenin-
(1) Chapel
Chapel cih pen innkuan khat in a koih tuam inndei khat peuhpeuh ahi hi.
(2) Church
Church ih cih ciangin khua khat, Parish khat ii ih neih, mipi kikhop theihna mun ahi hi.
(3) Cathedal
Cathedal cih pen Diocese khat sungah Siadawpa tutna biakinn ahi hi.
(4) Basilica
Basilica biakinn min cih pen Pope te bek in a piak theih ahi hi.

Tua Basilica Biakinnpi pen minor leh major ci-in kikhen lai hi. Minor Basilica cih ciangin gam tuamtuam a om, Basilica biakinnpi te ahi hi. Major Basilica ih cih te pen Pope te tutna, Rome khuapi a om biakinn pi te hi-in, (1) na ah, St. John Lateran Basilica, (2), St. Peter Basilica, (3). St. John Basilica leh (4) St. Mary Basilica ci-in om hi.
St. John Lateran Basilica pen kum (400) hun lai-in Tuiphumpa John the Baptist min vawhin St. John Lateran Basilica na ci uh hi. Biakna tangthu sungah a thupi mahmah Biakinnpi khat hi-in, kum 1870 cin ma hunin Pope te’ tutna innpi zong ahi hi. Biakinn sung teng khempeuh pen Topa Jesu leh a nungzuite lim tawh kidim hi.