St. John Bosco Pawini (January 31)

Salesian Congregation aphuankhiapa misiangtho John Bosco in 1815 kumin Italy gam, Turin khua tawh kinai Becchi ah mizawng nulepa sung pan suak hi. Kum (9) aphak hunin naupang pawlkhat in amasa in a gilo mahmah ganhingte suaka, ahih hangin anunung ciangin athumang mahmah tuunote suak kik hi cih zanmang khat mangmat hi. Tonu Maria in ama tungah akhutnga in “hih ganhingte tungah apiang thute na muh mah bangin naupangnote tungah na mu ding hi” ci hi.
Tua ciangin Bosco in amau khua ah aom naupangnote kaikhawmin Pasian thu sinsak na leh Biakinn ah paipihna te kipan a, ama kimawl tuamtuam siamna leh mitphial lah theihna te in naupangte lungkim sak mahmah hi. Kum (16) aphak ciangin Chieri Siampi sinna sangah lut in Siampipa in John ii Pasian sapna (vocation) atheih na in amah in Siampipa thu gen khempeuh malkhat zong pelh lo in a gen kik theihna pan ahi hi. 1841 kumin Siampi za angah khit ciangin John in Turin khua siampi dingin vaipuak ngah hi.
Tua khua ah thongkia te, khangnote leh lampi ah avak vak naupangte ading, thalawp tak in nasem hi. Naupangte in Christian nuntakna leh zuih ding thute asin theih nading un “St. Francis De Sales laisinna sang” phuan hi. Aman misiangtho Francis de Sales ii kiniamkhiatna thupi sa mahmah a, tua sang hon zawh nadingin mihau nupi khat in apiakkhiat Hall khan sungah zong misiangtho Francis de sales man aki suang mu ahih manin tua misiangtho pa etteh in ama lampi zui hi.
Ama ii giming, tawling cilo in Pasian na asepna ah anu in tha pia den hi. A thuman gammite leh Christian hoihte asuah theih nadingun John Bosco in ama hanciamna tawh Shoe khedap bawlna, puan khuina leh laibu bawlna cih nasepna te adingin sitzungte hongsak hi. Mipi tawh kizopna ding ii athupitna tel ahih manin zan sawtpi lai gelhna, magazine gelhna te sem hi. Ama thu bulphuh in “Khate kei hongpia in la, a dangteng khempeuh la in” cih ahi hi. 1859 kumin Salesian congregation phuan a, 1872 kumin misiangtho Mary Mazzarello tawh kipawl in “Christian te a huh kumpinu’ tanu te” congregation phuan uh hi.
Tua congregation nih ii nasepna tea huh dingin John Bosco in inn ciat ah Salesian kha tawh kisai zuih ding thute zuihzawh nading, “Selesian kihel a nasepna” cih kipawlna khat phuan hi. 1888 kumin John Bosco si a, 1934 kumin Misiangtho in ki tangko hi. Misiangtho John Bosco pen khangnote ahuh misiangtho in kiciamteh hi.
Misiangtho John Bosco aw…ko te adingin thu hong ngetsak tan.