St. Hilary of Poitiers

Misiangtho Hilary in 315 kumin, Piantit gam, Poitiers khua-ah suak hi. Amah pen milim bia upna sungah khangkhia in, zi aneih ciangin Abra min nei tanu khat nei uh hi. Kum (30) aphak ciangin Pasian tuamtuam baikna ii hoih loh nate mu a, na khempeuh apiangsak Pasian khat bek om hi cih thu thei in um hi. Christian Laisiangtho pan thuman thutak amuh khit ciangin kikhel in tuisawpna Sacramentu sang hi.

Mitampi te in Hilary pen thuzui khat ahih hangin Siadaw dingin teel uh hi. Tua teelna thu Hilary in a hihzawh zahin a pelh hangin ama kiniamkhiatna in mipi te muhna ah amah Siadaw tawh ki tuak hi cih upna leh muanna khang sak semsem hi. 353 kumin, Siadaw Ordination ngah a, “Topa Jesu in Pasian hi lo hi” cih up na manlo te langpangin Topa Jesu in Pasian ahih na thu nasiatak in hilh cian hi.

Tua bangin “Topa Jesu in Pasian hi lo” cih up na khial te alangpang na hangin 356 kumin Constantius kumpinu in gam pua ah hawlkhiatna dan pia hi. Tua bangin gam pualam ah aom laitakin amah in To thum Pasian tawh kisai lai bu hoih mahmah khat gelh hi. 361 kumin Poitiers ah ciah kik in, a sih kum ahi, 367 kum dong, Catholic up na kem cing hi. Misiangtho Hilary in kiniamkhiat in ami gi mahmah khat ahih hangin Pawlpi alangpangte ahih leh do den hi. Misiangtho Hilary pen gultuk natna a huh misiangtho in ki ciamteh hi.

Misiangtho Hilary aw…Ko te adingin thu hong ngetsak tan.