St. Gregory, Siadaw, Pawlpi mipil

Misiangtho Gregory min nei thuzui te khempeuh Happy Feastday ci-in kong muak hi.  St. Gregory in 504 kum in Roma ah suak hi. Kum 35 a phak hun, a nasep na te ah gualzawh na nasia tak angah khit kum 5 a sawt ciangin a neih alam khempeuh nusia in Siampi suak hi. 590 kum, Deacon a hih lai tak in mipi te nget na hangin Pope dingin teel na ngah a, tua khua pan tai sim ding a sawm hangin St. Peter tualpi ah paipih in Pope za ki pia hi. Tua khit ciangin a mah in Pasian nasep na khawl lo in sem a, the great cih pahtawi na ngah hi. A mah in thong kia te hot khiat na ding leh mi zawng te huh na dingin pawlpi sungpan a ki ngah sum met te zang hi. Biak piak na sungah Gloria la a zang ma sa pen hi in, England ah Missionary te pai sak hi. A mah leh amah Pasian na sem te na sem ci-in ki sam in, a ma za a laih te khempeuh in tua min tu dong kem cing lai uh hi. 604 kum in Roma ah si a, misiangtho ki suak sak pah hi. St. Gregory in leitung tangthu ah the great cih phat na angah Pope nih lak pan khat ahi hi.
Misiangtho Gregory aw. ....Ko te a dingin thu hong ngetsak tan.