St. Elizabeth

Elizabeth in Jew minam Siampi khat ahi, Zechariah ii zi hi. Amah in ta nei lo-in acing(tasel) ahi hi. Laisiangtho lui sunga, Sarah leh Hanah te bangin ta neih nading hun val khin ta hi. Zechariah in Jerusalem biakinn pi ah Siampite’ ngeina aom bangin Topa’ mun siangtho sungah lutin lawban hal namtui biakapna apiak laitak in a teek ta ahi azi Elizabeth in tapa aneih nading thu leh tua tapa min dingin John a phuah nading thu Vantungmi Gabriel in gen hi.

Kha (6) khit ciangin Elizabeth ii sanggamnu ahi Maria kiangah nau apaai nading thu agen vantungmi in Zechariah kiang aa, apai vantungmi mah ahi hi. St. Luke Laisiangtho sungah Maria in Elizabeth kiangah hawh hi ci-in ki gelh hi. Elizabeth in Maria anotsetna ah “Nangmah in numei khempeuh lakah thupha angah nu na hi hi. Na sung a napaai naungekin zong thupha angah hi” (Lk 1:42) ci hi

. Maria ‘Aw’ azak ciangin asung aom naungek nuamin diang hi ci-in Elizabeth in Maria kiangah gen hi. Ama tapa pen John the Baptist cih min tawh hong khang khia hi. St. Elizabeth in naupaai nupi te ahuh misiangtho hi.
Misiangtho Elizabeth aw...Ko te adingin thu hong ngetsak tan.