Misiangtho Victor of Marseilles pawini, May 21

AD 290; Kumpi Maximian uk sungin Christian te bawlsia- in thuzui tampi te in Pasian a up na uh hangin thahna athuak uh hi. Marseilles khua ah zong hi bang bawlsiatna hong tungin khuasuang ah launa, lungkham na tawh ki dimin aom lai tak, Christian thuzui galkap khat ahi Vitor in nitak in inn khat khit inn khat pai kawikawi-in thuzui te tha pia hi. A tha piak na ah ''sih na in tawmvei sung bek hi a, nuntak tawntung na ih ngah nading hi'' ci hi. Tua bangin ahih na thu kumpipa in azak ciangin amah mansak a, kumpipa abiak nading asawl uh hang, Victor in manglo in mawhna pan hong honkhia Jesu bek biak ding leh ama sungah lungkip ding bek kisam hi ci-in dawng kik hi. Tua bangin adawng kik na hangin mipi te in lamdang sa thei mahmah uh hi. Tua ciangin galkap te in Victor' khut leh khe te hencip in khuasung lampi ah taalkaih gawp uh hi. Tua khit cingin aana nei pa kiangah paipih uh a, Topa Jesu nialin amau Pasian abiak nading thu apia hi. Ahi zongin Victor ahih leh atuak gentheina te hangin khasiangtho tawh ki dim a, kumpipa leh na pasian uh pen zahtak mah ing. Ahi zongin bia zo kei ning ci-in nial giap hi. Tua bangin anial ciangin kumpipa heh mahmah a, khuam tungah khai-in abawlsiat sak khit ciang thongsungah khumcip sak hi.Tua laitak in vatung pan Pasian, vangtang khat in hong kilang aa victor tha apia hi. Tua vangtang amu victor acing galkap te lau mahmah uh a, Victor mai ah khukdinin tuisawpna sang nuam ung ci-in hong thum uh hi. Victor in zong amau te gungeiah paipih in tuisawpna apiak khit ciang thongsungah alut kik hi. A zingsang ciangin thong cing galkap te Christian suak khin uh hi cih thu kumpipa in azak ciangin tua thongcing galkap te' ngawngtanin athat sak hi. Ni thum aphak ciangin Jupita aki-ci Roma te pasian lim lawban(လော်ဗန်တိုက်)athaih nading Victor asawl uh leh amah pai-in tua Jupita lim akhe tawh asuih leh ki lawn pah ahih manin kumpipa hehlua mahmah aa Victor' khe te atan sak hi. Tua banah apumpi an gawina suangpek tawh agawisak hi. Angawina suang pei te akhawl dongin agawisak hangin victor si zo tuan lo ahih manin angawng atan sak khit teh apumpi pawlkhat gunah paai in pawlkhat suangbuk sungah akoih uh hi.

Photo credit: St. Paul, India