Misiangtho Valentine Pawini. (February 14)

Misiangtho Valentine in 226 kumin Italy gamah suak in Rome khuapi ii Siampi khat ahi hi. Rome Empire kumpi Claudius II in Christiante abawlsiat mahmah hunin Fr. Valentine in khangno kingaite in asiangtho kiteenna Sacramentu angah nadingun vaihawmsak (huh) sim zel ahih manin galkapte in manin nasia takin bawlsia uh hi.
Rome kumpipa in Fr. Valentine bawlsia in pawlpi anusiat sak hangin amawkna suak ahih manin 270 kumin Flaminian Way tungah angawngtan in thatsak hi. 350 kumin Misiangtho Valentine pahtawina in Pawlpi in amah akithahna munah Biakinn khat lam hi. Valentine cih minin (valar) hangsanna leh hatna cih khiatna nei hi. Kumzalom tampi sung, lawm kingai khangnote in haksatna tampi tuak uh a, Misiangtho Valentine kiangah thahatna leh hangsanna thupha ngen den uh hi.
February (14) ni-in a kibawl den ngeina khat ahi, it na lai (letsong) kipiakna pen “vasate in phalbi hun sungin ki-itna late asak zawh kei uh hangin Misiangtho Valentine pawini in kimukik uh hi” cih upna bulphuhin akibawl ahi hi. Misiangtho Valentine pen lawmkingaite ahuh Misiangtho in kiciamteh hi.