Misiangtho Timothy & St. Titus

Misiangtho Paul ii Pasian naseppih khat ahi, “Pasian zahtakna” cih min nei, Timothy in Lycaonian ah suak hi. A khangno hunin Laisiangtho sinin St. Paul in tuisawpna pia in, tua banah nunnemna leh unau bang itna tawh a kidim lai nih zong St. Paul kiangpan ngah hi. Timothy ii hanciamna in cidamna sukha thei ahih manin Misiangtho Paul in tui dawn bek hi lo-in, wine zong tawmtawm a dawn na dingin gen hi. Timothy in Ephesus khua Siadaw dingin teelna ngahin anuntak sung tawntung tua khua ah om hi. AD 97 kumin lim bia, Pasian thu umlo te in amaute’ biakna a langpang na hangin Timothy pen suang tawh satlum uh hi.
Misiangtho Titus in Christian pawlpi sungah Misiangtho Paul mahmah in a kikhel sak pa ahi hi. Misiangtho Paul ii a it pen nungzuikhat hi aa, anih un Pasian na tampi sem khawm uh hi. Misiangtho Paul in Crete khua Siadaw dingin Titus teel aa, Siadawte ading thukhun a kigelh lai khat zong pia hi. Titus in tua khua mah ah AD 96 kumin si hi ci-in Pawlpi tangthu sung pan ki thei hi.