Misiangtho Sebastian

Misiangtho Sebastian in Piantit gam, Narbonne khua-ah suak in, Italy gam, Milan khua ah pilna sin hi. Galkapte ahuh dingin Rome kumpipa Carinus khutnuai a om Rome galkap sungah 283 kumin lut hi. Ama hang sanna hangin galkap bu za ngah hi.
Ama Christian upna, a ki theih hun ahi, 286 kumin Rome kumpipa Dioclesian mai ah thu sitna thuak a, Thal tawh kaplup dingin thukhenna ngah hi. Thal kap te in Sebastian akap khit uh ciangin si ta ding hi cih upmawh na tawh nusia uh hi.
Ahi zongin hehpihna anei Christian meigong khat in Sebastian na khoi in hoih tak na kem a hih manin dam kik hi. Adam siang ciangin misiangtho Sebastian in Rome kumpipa mai ah hangsan tak in pai a, Christian te abawlsiat na mawhsakna gen hi. Kumpipa heh lua a, Sebastian asih dong sat sak in guam sungah paai sak hi.
Aluang hawm pen Pasian thu a hanciam mahmah numei khat in amuh ciangin nidang lai aa han lui ah vui hi. Tua mun ah tu in misiangtho Sebastian biakinnpi kiptakin om hi. Misiangtho Sebastian pen bawlsiatna athuak Christian te, galkap te leh Thal kap, tai kidemna cih (tm;upm;) kimawl te a huh misiangtho in ki ciamteh hi.
Misiangtho Sebastian aw…ko te adingin thu hong ngetsak tan.