Misiangtho Raymond of Penyafort Pawini. (January - 7)

St. Dominican Congregation ii a thumna makaipi ahi, Raymond in 1175 kumin, Spain gam, Penyafort khua-ah suak hi. Mipil mahmah khat ahih mah bangin kum (20) aphak hunin Basilona khua-ah Theology hilh in om hi. Kum (30) aphak ciangin Pawlpi thukhun (Canon law) tawh kisai pahtawina (Degree) la dingin Bologna khua-ah pai hi. Mizawngte tungah a koih, it na, piak khiatna te ah a et teh huai mikhat ahih na tawh kizui in misiangtho Raymond in Barcelona khua, Siadaw ahuh, Deacon dingin 1219 kumin vaipuak apna ngah hi.
Kum (3) a sawt khit ciangin St. Dominican Congregation ah lut in Jew minamte kikhel nading hanciam hi. Muslim te’ khutnuai aom, thong kia mite, sum tawh tatkhiat nasep na dingin “suahtakna kumpinu” congregation pen St. Peter Nolasco tawh kipawl in phuan uh hi. Tua hun sung mah in misiangtho Raymond in Canon law bu pi (5) at khia hi. A lianbel siampipa kiangah mawhna dan loh na in mizawngte’ ngetna te a vaihawm sak na dingin ngen hi.
1238 kumin misiangtho Raymond in St. Dominican congregation ii a thumna makaipi dingin teelna ngah hi. Ama congregation ah khe tawh pai ngiatin hawhna, kha tawh kisai a tuuno te thukhun tawh kizui-in nuntak na, khantohna ding tawh kisai lai khat peuhpeuh it theihna, nungzuipi te nuntak zia te it na lungsimte guan hi. Ama nunung hun te pen upna khial te langpangna, Spain gam aom Muslimte kikhel nading phuahthakna te tawh bei sak in kum (100) acin hun, 1275 kumin si hi. Misiangtho Raymond pen sitni (lawyer) te a huh misiangtho in kiciam teh hi.
Misiangtho Raymond aw…ko te adingin thu hong ngetsak in.