Misiangtho Paul miki leh alawmte

 Misiangtho Paul Miki in 1564 kumin suak hi. Aneu tung pankipan Jesuit sangah lutin Laisiangtho hoih takin gen thei hi. Japan gamah kum (50) sung Pawlpi zung na kiphut khol khin ahih manin Pawlpi vekpi tan (2) bang om khin hi.

1588 kumin Emperor kumpi Canpacondono in amah bek Pasian hi cih tangko in Christian missionary te kha (6) sung amau gam ciatah aciah kik na dingun thu pia hi. Missionary adang te aciah kik uh hangin Bro. Paul Miki leh alawm te ciah lo in om suak sim uh hi. 1597 kumin Bro Paul Miki leh alawm (25) te galkap te in mu in man uh hi.

Nagasaki khua atun na ding un khua tampi kanin pai pih uh a, lampi ah amaute bil tan sak na, ko na te thuak uh hi. A vekpi un singlamteh tungah khai in khih uh a, angawng uh ah sikkual ngawk sak uh hi. Amau te hangsan na amu mi te in lamdang sa thei mahmah uh hi. Paul Miki leh apawl te in Pasian phat na Salan la te sa ziahziah uh hi.