Misiangtho Nicholas

Misiangtho Nicholas min nei thuzuite khempeuh Happy Feastday ci-in kong muak hi.

Christmas letsongte ahawm khia den ahi, (Santa Claus) ci-in mite theih, St. Nicholas in kumzalom 3 hunin, Asiaminor, Patara khua-ah suak hi. Turkey gam, Myra Siadaw dingin vaipuak piakna ngah hi. Zawngluat na hangin teenpih ding pasal angah zo lo tanu thum te vak zo nawnlo ahih manin tua atanu te in amau pumpi zuakin sum azong sak nading akhentat Papi khat tua lai ah om hi. (Tua hun lai-in numei te in ateenpih dinguh pasal lei kha uh hi.)

Tua thu Nicholas in a theih ciangin Suangmanpha ip khat tawi-in khuazing sungah pai a, apuak Suangmanpha ip pen kong honsa in aom, tua Patate inn sungah lawn suk hi. Tua Suangmanpha tawh Papi pa in atanu upen pasal neisak zo hi. A tanu nih na zong tua mah bangin Nicholas piak Suangmanpha tawh pasal nei sak zo hi. Anunung na ciangin innteek pa in hi bangin, Suangmanpha a koih sak zel kua hi ding hiam cih thei nuam ahih manin a et sim leh Nicholas a hih lam mu hi.

Ahi zongin Nicholas in hi thu kuamah kiangah agen loh nading in thum hi. St. Nicholas in asih khit ciangin zong ama hehpihna leh piakkhiat nopna lungsim nungta in munkhempeuhah thang hi. Kumzalom 19 hunin, Dash minam, Protestan pawlkhat in Siadawpa min pen Santa Claus ci-in sam uh a, amah in lungnuam takin om thei-in aminthang leh mitampi’n adeih Christmas letsong te ahawm khia pa in ciamteh uh hi.

Ama silh puantual san ah Siadaw a'gufcsm leh pualtual khutngawngah a kang setsit tuu mul te tawh hoih tak in kizem hi. Santa Claus in Christmas ii thupitna hi a, leitung bup aom, mizawngte tungah it na leh piakkhiatna neih na hong lak hi.Misiangtho Nicholas pen naupang te leh Tembaw hawl te ahuh misiangtho in kiciamteh hi.

Misiangtho Nicholas aw...Ko te adingin thu hong ngetsak tan.