Misiangtho Monica

Misiangtho Monica minnei thuzuite khempeuh Happy Feastday ci-in kongmuak uh hi.

Misiangtho Monica in 331 kum in, Africa gam, Thagaste khua ah suak hi. A ma lungduai na leh thuakzawhna hangin Pasian um lo ahi a pasal in a sih ma kum khat in a gamtat ki khel hi. A tapa u pen pa ahi Augustine in zong Monica adingin lungkham na lianpi khat ahi hi. Augustine in pawlpi sungah om ahih hangin cik mah hun in tuisawpna Sacramentu thu ngaihsut in nei ngei lo a, Pasian um lo pawlpi (pagan) ah lut in, a gamtat sia mah mah hi.

Monica in a tapa a dingin kum tampi mit-tui luang kawmin thungetna leh antan na te nei den hi. St. Monica in a tapa tawh ki ho dingin a thum ahi Siadawpa in ama kiangah “Pasian hun hong tung ding hi, na mit tui kiat na hangin na ta pa ki sia lo ding hi” ci-in gen hi. Italy gam ah Augustine a pai na thu a zak ciangin a tapa a mu dingin Monica in Milan dong va zong hi. A tapa gamtat a na kikhel khit na thu a theih ciangin Monica a lung dam mahmah hi. Tua pan a sawt lo in Africa ah ciah kik dingin Ostia gun ah tembaw ngak in a om lai tak a ci hong na gawp hi. 

Monica kam pau nunung pen in “kei bangmah in lungnop na hong pia lo hi, ka nuntak na in nang, Christian khat in kong muh nop man bek hi, ka luang hawm na deih na ah vui in, a hi zongin kong nget nop khat ah Pasian biak na tau pan na Nu hong phawk in” ci-in a tapa kiangah gen hi. AD-387 kum, Kum 55 a phak hun in si a, Nu te a huh misiangtho in ki ciamteh hi. St. Augustine in a lai bu sungah “kei adingin kum tam pi mit-tui a luang ka nu adingin nai khat sung ka kah na in khial lo hi ci-in um ing” ci-in gelh hi.

Misiangtho Monica in gentheih haksatna tawh akidim innkuante ahuh Misiangtho hi.