Misiangtho Martin I Pawini. April 13

Misiangtho Martin in Italy gam, Todi khua mi ahi hi. Ama pilna leh siangthona te hangin Roma a om Siampi te lakah minthang mahmah aa, 649 kumin Pope dingin teelna ngah hi.
Tua kum mahin Lareran ah Topa Jesu ii Pasian hihna leh mihing hihna namnih te a langpang te tawh kisai in Pawlpi Makai te samin thu kikupna nei uh hi. Pope Martin in tua thu kikupna ah Topa Jesu ii Pasian hihna leh mihing hihna aman takpi ahihna thu kipsak in tua Topa Jesu ii hihna namnih asanglo te Pawlpi sung pan hawlkhia hi.
Tua Pasian hihna namnih a sanglo ahi, The Eastern Emperor Constant II in Pope te thu kikupna azak ciangin hehlua aa, Pope Martin mat nading thu tangko hi. Pope Martin pen Constantinople kiangah ki paipih in gam lehhek hi ci-in mawhna pia in gam sung pan hawlkhia aa Cherson ah puak uh hi.
Martin in “Kei in ni (47) sung, tui lum tawh kisil ding cihthadah, tui vot nangawn tawh kisil khuan ka ngah kei hi. Ka lawmte leh ka meltheih te khempeuh in kei hong mangngilh khin uh hi. Topa Jesu mahmah in kei hong cing hong kem ding hi. Topa in hi bangin ka gentheih thuakna te, anunung hun ah hong puakding sawt nawnlo ding hi” ci-in gelh hi. Martin in 656 kumin Cherson mahah si hi.
Misiangtho Martin aw...Ko te adingin thu hong ngetsak tan.