Misiangtho Margaret pawini. (November 16)

Misiangtho Margaret in 1046 kumin, Hungary gamah suak hi. Norman galkap te in Hungary gam abuluh uh ciangin Margaret in Scotland gamah tai hi. Kum (24) aphak ciangin Kumpi Malcolm III tawh kiteengin ta 8 nei uh hi. Amah in Nu hoih khat ahih na leh kumpipa zi hoih khat ahih na hoih takin lak zo hi. Itna tawh Margaret in a pasal ii hehna te dam sak zo in, thuman thutak leh itna tawh na asep zawh na dingin zong hanthawn zo hi.
Margaret in Siampite’ kha tawh kisai thaksuahna te ah a khansuah sak banah ni thupi ni te leh nipi ni te hoih takin tang den hi. Tua banah biakinn tampi zong lam in nupi ki pawlna khat zong phuan khia zo hi. Khutdawh ngen khat in Margaret kiang pan khut hawmguak in kileh kik hi cih om ngei lo hi. 1093 kumin Margaret si aa, ama lam sa ahi, Church of Dunfermline biakinn ah kivui hi.