Misiangtho Lucy

Misiangtho Lucy in kumzalom (3) hunin Italy gam, Syracuse ah suak hi. Aneu tungpan kipan siangthona thupi sak mahmah a, Topa Jesu adingin ki-ap sim hi. Syracuse pan amah angai tangval khat, Lucy in anial ciangin amai lah zum, aheh lah suak lua ahih manin Lucy Christian khat ahih na thu gamuk te kiangah gen hi.
Tua hun pen 304 kum, Diocletion te in Christian te abawlsiat mahmah hun ahi hi. Tua ciangin gamukpa in Lucy upna asuksiat nop manin puansilh lo in numei paktatte’ om na inn ah akoih nading un thu pia hi. Ahi zongin Pasian in Lucy lungsim akikhel loh nadingin thupha pia ahih manin tua ze-et na tangtung lo hi.
Tua banah mei tawh ahal uh hangin bangmah cituan lo ahih manin galkap te in Lucy mittang te lakkhiatsak uh hi. Ahi zongin Lucy in nidang sangin hoih zaw sem lai ahih manin amaute in Lucy ngawng namsau tawh tan in that uh hi. Misiangtho Lucy pen mittaw te a huh Misiangtho in kiciamteh hi.
Misiangtho Lucy aw…Ko te adingin thu hong ngetsak tan.