Misiangtho Leo the great

St. Leo the great

Pope Leo I na in, AD-400 kumin, Roma Empire, Tuscany khua-ah suak hi. Amah pilna, cimna hangin Siampi Ordination angah khit ciangin alian bel Siampipa ii Sacretry sem a, Pope Sixtus III na asih ciangin Pope dingin teelna ngah hi. Pope Leo in Pope te phualpi ahi, Vatican pen khangto sak mahmah hi. AD-451 kum, (Ecumenical Council of Chalcedon) Chalcedon thukikupna ah, Topa Jesu ii Pasian hihna leh mihing hihna kipsak hi. Tua thu Pope udk,fpm;vS,f (Delegate) te leh Siadawte in zong “Petru in Leo tungtawnin thugen ta hi” ci-in kipsak uh hi.
452 kumin, Pasian’ ciingkhau ci-in aminthang Attila in Roma do dingin agalkap te tawh gal hongkuan ciangin mipi te lauin liing uh a, Rome galkap tampi te in amau nasep leh azaliatna uh taisan uh hi. Tua ciangin Pope Leo in gal hongkuan te Singlamteh khat tawi-in maingat a, Attila zong ama gamah ciah sak kik zo hi. Attila in St. Petru leh St. Paul te in leitung aom Pawlpi pen vantung pan dal in Pope Leo nunglam pan galte ado na thu amuh ciangin alungsim kikhel hi ci-in kigen hi.
Pope Leo in khat vei ama mawhna te maisakna angah na dingin St. Petru hanah ni (40) sung pai-in thungen hi. Tua ciangin Misiangtho ama kiangah kilangin “Siampi suahna Ordination piakna ah na khialh mawhna sim loh, Pasian hangin namawhna te hongkimaisak zo hi” ci hi. Tua pankipan Siampi suahna Ordination pen akumcingin apicing khin leh hoihtakin aki sittel khin, Phungzi sin sangnaupangte bek Ordination piak dingin khentat hi. 461 kumin Pope Leo si a, ama vangil hoih te ("mwfawmfarGawmf) te Vatican biak innpi ah tu dongin kikem hi.

Add new comment

19 + 0 =