Misiangtho Jerome

Misiangtho Jerome in AD-347 kumin, Dalmatia khua ah suak hi. Kum 18 a phak hunin Rome ah tuisawpna ngah a, pilna tuamtuam sin hi. 374 kum, nikhat Jerome nasiatak a ci nat laitak, Topa Jesu maiah thukhenna thuak dingin tung hi. Topa Jesu in amah kua cih a dot ciangin St. Jerome in Christian khat ahih na gen hi. Tua ciangin Pasian in nangin mikhem na hi hi. Nangin Cicero nungzui khat na hi hi. Bang hang hiam cih leh na lungsim in nang thupisak mi kiangah om hi ci-in gen hi.

Tua khit cingin Jerome in ama nuntakna Pasian nasepna sung ah piakhia hi. Syrian ah Pasian thu alungngaih khit ciangin Jerome in siampi suahna ngah a, Rome ah alianbel siampipa Damasus ii Asistant dingin sapna ngah hi. Ama lungsim a zawh nading in laisiangtho leh Hebrew lai sin na tawh a hun zang hi. 385 kumin Bethlehem khua ah Laisiangtho Latin kam tawh letkhiat na ki pan a, kum 40 sung khawl lo in hanciam hi.

Isaiah laisiangtho commentary sungah laisiangtho awlmawh loh na in Topa Jesu awlmawh lohna hi” ci-in ki gelh hi. AD-400 kumin, Roma pan Bethlehem ah gal tai mi te Jerome in huh a, amau te kiangah “tu in ei te in laisiangtho, Pasian kammal te ih gamtat na tawh ih lak ding hi” ci-in gen hi. Jerome in nasep hanciam na, ki sikkikna tak tawh  mawhnadan lohna te bawl in 420 kumin si hi.