Misiangtho James (a lian) (July-25)

Misiangtho James in lungdamna Laisiangtho a at misiangtho John ii sanggampa hi. A pa uh Zebedee tawh ngasa a beng khawmna uh pan Topa Jesu in a sap te ahi uh hi. (Mt 4:19). Topa Jesu in amaute’ lungduai loh na hangin ‘vanging’ Tapate cih min pia hi. (Mk 3: 17).

Khasiangtho Pasian hong kumsukma ciang amau te’ up na neu mahmah a, a nu in Topa Jesu in vantung tokhom ah a tut ciang, amau te nih a tak lam leh a vei lam ah atut sak nading thu nget sak hi. (Mt 20:22). Misiangtho James in nungzuipi te lak pan Topa Jesu ading anuntakna a pia khia masa pen hi.

AD-44 kum, Herod Agrippa uk hun in James in thahna thuak hi. Ama hangsanna hangin amah a that pa in Topa Jesu sungah up na ngah hi.

Misiangtho James aw...Ko te a dingin thu hong ngetsak tan.

Lungdamna Laisiangtho gelh ahi, nungzuipi John ii sanggampa James in min kibang nungzuipi nihte a ki khen theih na dingin James alian ci-in ki ciamteh hi.