Misiangtho Henry II Pawini. (July 13)

Misiangtho Henry in Germany gam, Bavaria ah AD- 972 kumin suak hi. Ratisbon Siadaw Wolfgang in Henry pen Christian upna hilh cian hi. Kum (30) a phak ciangin a sanggampa ahi kumpi Otho III na ii za laih in kum (12) a sawt zawh 1014 kumin Benedict VIII in Henry ukna pen Emperor in pahtawina pia hi. Henry in ta neilo ahih manin Saxon emperor ii anunung pen kumpi zong ahi hi.

Henry in Germany gam khantoh na dingin hanciam mahmah in Pawlpi zong puahthak hi. Tua ban ah Henry in Bamberg ah Cathedal biak inn pi khat lam in zateih sang zong tampi lam zo hi. Henry in zateih suak ding a lunggulh hangin Zateih sang ukpi pa in thukimpih lo-in ama uksa gam mah a uk suak nading in gen hi. “Leitung tawh kisai vangliatna, sep theihna za ngahna in mi tampi phat tuam na dingin Pasian piak letsong hi” cih Henry in tel ahih manin ama nasep vaipuakte kiniamkhiatna leh mite phat tuam na ding sep nopna lungsim tawh hoih takin sem hi.

Amah in Misiangtho Benedict ii thukhunte hoihsa mahmah in lunglut takin tha pia in panpih hi. Henry in Italy gam, Montecasino zateih sangah a natna pan a lamdang tak in damna ngah hi.

Henry pen gam makai khat hi aa, a ettehhuai Christian khat zong ahi hi. Amah pen 1024 kumin si hi. Misiangtho Henry II pen ta neilo te a huh Misiangtho hi.

Misiangtho Henry aw...Ko te a dingin thu hong ngetsak tan.