Misiangtho Elizabeth

St. Elizabeth of Hungary

Misiangtho Elizabeth in 1207 kumin, Pressburg khua-ah suak hi. Amah in Kumpi Andrew II na ii tanu ahi hi. A nungakno gual hunin Thuringia khua pan Louis tawh kiteeng in ta 3 nei uh hi. A Pasal in khualzin na pan a ciah simin ama adingin letsong a puak zel banah ka zi ka taisan sangin mual bangin a kiciang Kham leh Ngun tampi te taisan nuam zaw ing ci-in gen den hi. Asawt lo-in Louis in Crusade gal kidona ah gal kuanin apai na pan Otranto ah Plague natna ngahin si hi.
Louis ii luang hawm, Jermany ah puakik uh a, a tun uh ciangin Elizabeth in kap kawmin “leitung leh leitung a om nopna khempeuh kei adingin si khin ta hi” ci hi. Tua zawh ciangin Elizabeth in Third Order of Franciscan kipawlna ah lut in, cik mahin pasal ka nei kik nawn kei ding hi, ci-in kiciam hi.
Elizabeth in ama nuntak nunung hun te, ama lamsa ahi Marburg Zato ah cina te khoina leh mizawngte huhna tawh beisak hi. 1231 kum, ama kum (24) hunin Elizabeth si hi. Elizabeth ii Kha lam makaih Siampi pa in “Elizabeth in cinate leh mizawngte ading in thalawp takin na a sep banah lunglut takin thungenin Pasian thu lungngai den hi, amah dan numei dang ka mu ngei kei hi” ci-in gen hi.

Add new comment

6 + 4 =