Misiangtho Denis Pawini. (October - 9)

Misiangtho Denis in kum zalom 3 hunin, Italy gam, Rome ah suak hi. AD-250 in, Pope Fabian sawlna tawh Denis leh Siadaw (6) te lungdamna thu tangko dingin Piantit gam ah pai uh a, tua lai ah Denis in Paris khua ii amasa pen Siadaw dingin teelna ngah hi.
Denis te thugenna hangin mitampi ki khel ahih manin milim bia siampi te lauthawng mahmah uh a, Roma kumpi pa kiangah Denis te Pasian thu tangkona thu a puak uh hi. Tua thu hangin Roma kumpi pa in Denis leh a lawm te manin thong sungah khum uh a, a sawt ciangin Denis leh Siampi nih angawng tan in that uh hi.
Denis in angawng akitan sak khit ciangin a lutang amah mah in tawmin a kivui nading lam ah kml 6 dong pai lai hi ci-in ki ciamteh a, tua a pai na lampi pen Martyr street ki ci hi. Denis leh Siampi nih te kivuina mun pen “St. Denis Christian Siampi sang” phualpi suak a, Piantit kumpi te kivuina mun zong ahi hi.
Misiangtho Denis pen Piantit gam a huh Misiangtho leh lutang nat ciangin amah beel in thungen leng damna ki ngah hi ci-in ki ciamteh hi.
Misiangtho Denis aw. ....Ko te a dingin thu hong ngetsak tan.