Misiangtho Charles Lwanga leh alawmte (June - 3)

Misiangtho Charles leh alawm (12) te pen Buganda ii amasa pen Martyrs te ci-in zahtakna pia uh hi. 1870 kumin Europe gam mi Siampite tua gamah pai uh aa, Kumpi Mtesa ii uk na hunsungin amaute’ Pasian nasepna tangzai in khangto mahmah hi.

Ahi zongin 1885 kum pankipan Kumpi Mtesa ii za alaih ahi, Kumpi Mwanga in ama uk hun sungin Christian upna a bei na dingin hanciam hi. Bang hang hiam cih leh kumpipa in mihing khat ii nuntak thupitna tawh aki leh bulh ahi, sex kibang, pasal leh pasal omkawm dingin khangno khat asawl leh tua khangnopa in nial ahih manin tua pankipan Christian te a mudahna ki pan hi.

Tua bangin Christian te a bawl siatna sungah Kumpipa nasem ahi, Charles leh a dang talval (20) te ki hel hi. Amaute in Kumpi inn pan hawlkiatna thuak uh hi. Kumpi Mwanga in amaute kiangah Christian sungah om suak nading ngimna nei maw, nei lo cih a dot leh amaute in thakhat thu in “ka sih dong uh” ci-in awng uh hi. Tua ciangin amaute lak pan pawlkhat in kumpipa mai mahah ngawngtanna thuak uh a, pawl khat te in ahih leh angawng uh Teipi tawh dawtna thuak uh hi. Pawl khat te pen tai-37 agamla, simmawh bawlsiatna mun ah paipih uh aa, pawlkhat in lampi panin thahna thuak in, pawlkhat te pen mei tawh hal lum uh hi.

Amaute khempeuh in Jesu cih min lo-in anuntakna uh piakhia uh hi. “Martyr te ii si sanin Christian te’ khaici hi” cih Tertullian ii kammal tangtung mahmah hi. Charles leh alawm te in thahna athuak kum sung mahin Baganda ah Christian thuzui pen 200 pan 500 val khangto in Pawlpi sung lut nadingin Pasian thu a sin mi pen 800 pan 3000 dong khangto hi.

Misiangtho Charles leh apawlte aw. ...Ko te a dingin thu hong ngetsak un.