Misiangtho Barnabas Pawini (11.6.2024)

Misiangtho Barnabas

Misiangtho Barnabas in Levi suan Misiangtho Mark tawh apa te uh unau hi a, Cyprus ah suak hi. Joseph cih min pan Barnabas ci-in nungzuipite in laih sak uh hi. Barnabas in “thapiakna” cih khiatna nei hi. (Act 4:37). Misiangtho Paul kikhel zawh kum thum asawt ciangin Jerusalem khua ah pai aa, tua pan Barnabas in amah samin nungzuipi te kiangah paipih hi. (Act 9:27). Tua khit ciangin Antioch khua aa om Christiante a dingin Paul leh Barnabas te in sawlna ngah hi.
Topa Jesu nung azuite pen Christian cih min tawh a ki sap masakna mun ahi, Antioch ah Paul leh Barnabas te in Pawlpi kip takin na phut zo uh hi. (Act 11:26). Kum khat asawt khit ciangin Paul leh Barnabas te in Judea gam a-om a cimawh mite ahuh na dingin van pawlkhat pua in Mark cih min dang khat anei, John tawh Jerusalem ah ciah kik uh hi. (Act 12:25).
Khasiangtho ii sawlna hangin amaute in Cyprus gam leh Asia gam te ah a khat vei-na, Pasian thu gen dingin pai kawikawi uh hi. (Act 13:2). John Mark in thakhat in alungsim hong kikhel aa, Jerusalem ah ciah kik hi. Cyprus leh Asia te ah Pasian thu a gen kawikawi khit uh ciangin Paul leh Barnabas te in, Christian a suak nuam mi pawlkhat te in Jew ngeina leh thukhunte zuih kul leh kul lo cih thu kikum dingin Jerusalem ah sapna ngah uh hi.
Anih veina Pasian thu tangko dingin apai ma nitak in Paul leh Barnabas te kikal ah amaute tawh a ki bangin John Mark paipih ding leh paipih loh ding vai tawh kisai in kitelkhialna khat piang hi. Barnabas in John Mark pen amau tawh a kibangin paipih nuam aa, ahi zongin Paul in ama sa aa, Pasian thu tangko na pan John Mark a taisimna hangin tonpih nuam nawn lo hi. Tua thu hangin amaute’ kikal ah ki thutuak lohna hong khang semsem in ki khen uh hi. Barnabas leh John Mark te Cyprus lam ah pai-in, Paul leh Silas ahih leh Syria ah pai uh hi. (Act 15:38)
Misiangtho Barnabas aw...kote adingin thu hong ngetsak in.

Add new comment

2 + 8 =